Sidee ayaa looga fal-celiyay kulanka Xasan iyo Shariif?

0
38

Muqdisho (caalamka.net) – Fal-celin aan caadi aheyn ayaa ka dhalatay kulan uu maanta Madaxweynaha Soomaaliya Mudane Xasan Sheekh Maxamuud uu Madaxtooyada Qaranka kula yeeshay madaxweynihii hore ee dalka Mudane Shariif Sheekh Axmed.

Madaxweyne Xasan ayaa waxa uu la wadaagay madaxweynihii hore xaalada dalka iyo dadaallada dowladdu ay ku bixinayso xoreynta dalka iyo halganka ciidamada iyo shacabka Soomaaliyeed ay ku jiraan ee argagixisada Al-Shabaab lagu cirib-tirayo, sida lagu yiri bayaan ay Villa Somalia kasoo saartay kulankaan.

Madaxweynihii hore ee dalka Mudane Shariif Sheekh Axmed ayaa dhankiisa uga mahad-celiyey madaxweynaha kulankan wadatashiga iyo soo-dhaweynta ah ee uu ugu fidiyey Madaxtooyada.

Shariif Sheekh Axmed ayaa intaa kadib waxa uu u rajeeyey dowladnimada iyo shacabka Soomaaliyeed horumar iyo midnimo, sida lagu yiri bayaanka.

Sida ay ogaatay Caasimada Online, kulanka Xasan iyo Shariif ayaa hordhac u ah kulamo siyaasadeed oo maalmaha soo socda uu bilaabayo madaxweynaha Soomaaliya, kuwaasi oo uu kala xaajoon doono tabashada ay ka qabaan hoggaaminta dalka iyo nidaamka ay uu doonayo in la qaato ee dhawaan ku soo baxay heshiiskii golaha wadatashiga qaran.

Haddaba, Sidee looga fal-celiyay arrintaan?

Cabaas Daahir: “Waa geesinimo inaad dad wax la wadaagto iyagana ay kula wadaagan waxa ay qabaan ama wadatashi ah.”

Maahir Mukhtar Xasan oo kamid ah dadka ka fal-celiyay kulankaan: “Masha Allah shaqa wacan guulesta waligiin.”

“Jagadee tallow lagu aamusin karaa madaama u yahay tolka. Ha socoto ViVa Xasan,” ayuu yiri Maxamed Jaamac Ciise.

Maxamed Cali ayaa isna yiri: “Allaha idin xafido madaxdii umadda Soomaaliyeed dalkeena maanta wadada kaliya u furan waa in Khawaarijta ka xoreyno, nabad iyo dib-u-dhis ba inoo ballan ah.”

Sakariye Cabdullaahi Maxamuud: “Waan aragna inaad sasabateen ee Puntland usoo dir si uu Saciid Cabdullaahi Deni kugu baryo (Xasanoow).”

“Ninka dhuumanaayee dhabarkiisa muqdoow waa lagu arkaa, hadaad fahantay waad fahantay,” ayuu yiri Cabdullaahi Maxamed oo ka fal-celiyay kulankaas.

Maxamed Xikmaawi ayaa isna yiri: “Iga qalee saaxiiboow mucaaradka aad igu soo dhiseysid iga dhaaf miyuu dhahay odeyga.”

Amal Raage: “Ilmo Sheekh waxaa ka go’an in ay goofkooda ka nadiifiyaan Shabaab-ka iyo kuwa ku faraxsan in ay si hoosa ula shaqeeyaan iyo najaasta noo soo shaqo tagtay Viva Ilmo Sheekh cadowgu ha jabo.”

“Wada-tashigu waan Danqaran ee hadba ninka talada dalka haya wada-tashi ha ogaalaado, talo raacna ha noqdo mid toosan waliba,” ayuu yiri Cali Cabdi.

Maxamed Aadan Nuur: “Masha Allah waad mahadsan tihiin mudanayaal.”

Maxamed Goodame ayaa isaguna waxa uu yiri: “Haday jiri jirtay madaxwayne madaxwayneyaashii ka horeeyay qaab xun oo mooryaanimo ah ula dhaqmi jiray hada waxaa jooga madaxwayne ixtiraamaya madaxdii isaga ka horeeysay talladooda qaadanaya u wacanaya si maskaxdooda iyo waayo aragnimadooda uu uga faa’iidaysto.”

LEAVE A REPLY

Please enter your comment!
Please enter your name here